mun lon ma lon suno

sina sona ala sona e ijo ale pi sewi pimeja? suno li kama weka tan sewi la, sina ken kama lukin e mun lili mute a. mun lili ni li lili tawa lukin sina, taso sina tawa ona la, ona li suli mute a, li mun ala, li suno a. sama suno pi ma mi la, ma li ken tawa lon poka pi suno ante kepeken nasin sike. suno li jo e ma li awen e nasin pi tawa ma. sama mun suli pi ma mi la, mun ma li ken tawa lon poka pi ma ante kepeken nasin sike. ma li jo e mun ma li awen e nasa pi tawa mun. musi la, sama mun ma ni la, mun mun li ken tawa lon poka pi mun ma kepeken nasin sike. mun ma li awen e mun mun li awen e nasin pi tawa ona.

ni li pana e pilin musi tawa mi la, mi pali e musi sin. o jo e lipu e ilo sitelen. o sitelen e sike lon lipu. o pana e palisa lon sewi sike e palisa lon anpa sike e palisa lon poka sike wan e palisa lon poka sike ante. sike ni pi palisa tu tu li suno.

o suli e palisa. pini palisa la, o sitelen e sike. o sitelen e palisa lon insa sike tan sewi sike tawa anpa sike e palisa lon insa sike tan poka sike tawa poka sike ante. sike ni pi palisa insa li ma. 

ni li pini la, jan ante o sitelen lon palisa wan. jan ni li ken open e sitelen lon palisa ma li ken open e sitelen lon palisa suno. ona li suli e palisa suno la, ona o pana e ma lon pini palisa. palisa ma la, ona o pana e ma anu mun. mun li sama sike, taso sike li lupa suli. jan ni li pini e sitelen wan ona la, jan ante o sitelen sin kepeken nasin sama. 

mun li pini a e palisa. jan li ken ala sitelen e ma sin e mun sin lon ona.

sina awen musi la, sina awen sitelen la, sina ken mun e ale lipu. ante la, palisa ala li lon li ken e sitelen ma e sitelen mun. ni nanpa wan anu ni nanpa tu la, musi li pini. jan li sitelen e palisa nanpa pini la, jan ni li jan lawa mun a! (sina jan mute la nasin ante li ken. jan li sitelen e mun lon tenpo poka la jan ni pi sitelen mun li lawa e jan pi ken sitelen ala. jan li sitelen e ma lon tenpo poka la jan ni ma li lawa e jan pi sitelen mun. jan li sitelen e ma lon poka suno la jan ante li sitelen e ma lon weka suno la jan ma pi poka suno li lawa e jan ma pi weka suno.)

sina wile lukin e toki ni pi toki Inli la, o lukin e lipu kama ni:
If you want to read a translation, go to the next page:

Pages: 1 2