o lukin e nasin ale pi sitelen pona

sina wile kepeken sitelen pona lon ilo sina la nasin seme li pona? lon la, sina ken sitelen kepeken luka sina. taso ni li wile e pali mute. ni la ilo sina li ken sona e nasin pi sitelen pona. taso nasin ni mute li lon. linja sike en linja pimeja en linja suwi en sitelen Sans en nasin ante mute li lon a. ni la sina wile e nasin ni seme lon ilo sina? sin la sina ken lukin e nimi ale pi nasin ale ni. ni la sina ken kama lukin. sina ken kama sona. sitelen seme li pona lon nasin seme? lipu sin ni li ken pana e sona ni tawa lukin sina:

linja pimeja pona

“linja pimeja” li nasin sitelen. ona li pona tawa lukin mi. ona la linja sitelen li wawa sike. taso nimi pu taso li lon ona. kin la, nimi pi toki pona ala la mi ken ala kepeken poki. mi ken kepeken open poki taso lon open nimi kepeken pini poki taso lon pini nimi.

nasin sitelen ante li lon. nimi ona li “sitelen pona pona”. ona li pona tawa mi, taso ona li nasa tawa jan mute ante. ona la sitelen ale pi nimi ale li ante mute tawa lukin li kepeken linja pi mute lili taso. nimi pi toki pona ala la ona li pana e sitelen tan sitelen Lasina lon insa poki.

mi wan e nasin ni tu. mi weka e sitelen tan sitelen pona pona. mi pana e sitelen nimi ale pi linja pimeja lon insa pi sitelen pona pona. ni la ona li kama “linja pimeja pona”.

“linja pimeja” la, “linja pimeja pona” li ante seme? nimi ni li sin: kin en namako en oko en tonsi en kijetesantakalu en ku. mi sin e nimi ni lon ona tan seme? mi pana e nimi sin ante ala tan seme? tan li ni: nimi sin pi linja pimeja pona la mi kepeken ona a. linja pimeja pona la nimi pi toki pona ala (en nimi ku mute) li kama sitelen Lasina lon insa pi poki nimi.

o jo e ona lon ni: http://antetokipona.infinityfreeapp.com/font/linjapimejapona0.9.otf

sina wile lukin e toki ni pi toki Inli la, o lukin e wan kama ni:
If you want to read a translation, go to the next page:

ilo Sketchy Language li sama ilo Duolingo (kepeken toki pona)

Someone called Cakenggt made a language learning tool, with which people can learn Toki Pona in English. The lessons were a bit strange because they were based on older and outdated lessons. Therefore I made some corrections. At the same time, I translated it into German and French. (Also, there’s a Russian translation by someone else if you like.) If you want to learn Toki Pona on DuoLingo, this is similar.

Have a look: https://cakenggt.github.io/sketchy-language/

Translations:
German
French
Toki Pona

ilo “ante toki pona”

mi pali e ilo pi ante toki. jan mute li ken pana e ante toki tawa ona. ken la, lipu suli li ken tawa toki pona tan ni. sina ken lukin e ona lon ni: http://antetokipona.infinityfreeapp.com/

ni li lon ala lon? sina wile ante toki e lipu tawa toki pona – taso ni li pali mute la, ni li ike. pali li lili taso la, sina kama wile pali. ni li lon la, o lukin e ilo ni! sina ken pana e ante toki sina!

mi open e ilo kepeken lipu pi toki Inli ni:

  • The Call of Cthulhu
  • The Jests of Hierocles and Philagrius
  • sitelen tawa pi kulupu Blender (subtitles)
  • jan Pepa&soweli Kawa
  • toki tan Nicky Case

sina wile lukin e toki ni pi toki Inli la, o lukin e wan kama ni:
If you want to read a translation, go to the next page:

musi Cards Against Humanity

lipu pimeja li toki e ni: "______ + ______ = ______. o kama jo e lipu sin tu. o pana e lipu tu wan."

musi Cards Against Humanity li musi lipu kepeken lipu walo kepeken lipu pimeja. lipu pimeja li lipu pi wile sona. lipu walo li lipu sona ken tawa lipu pimeja ni. toki pi musi lipu ni li ken ike mute. taso, tawa jan mute la, ni li musi.

mi ante toki lili e musi lipu ni. mi ante toki e ale ala. sin la, mi pali e ilo. ilo ni li ken pana e lipu pi toki pona tawa jan pi wile musi. sina ken lukin e pali musi lon ilo Github: https://github.com/RetSamys/lipu-pi-ike-jan

sina ken musi e ilo lon ni: https://jsbin.com/bilurojopi/2/edit?output

sina wile lukin e toki ni pi toki Inli la, o lukin e wan kama ni:
If you want to read a translation, go to the next page:

sina ken pali e nimi sin kepeken ilo

mi ante lili taso e ilo ni: https://codepen.io/sobsz/full/ExggvgP

jan Eko li pali e ilo ni. ilo li pali e nimi sin li pana e ona.

ilo li pana nimi pu lon temp pini. tan ni la, ante lili mi li ni: sina ken weka e nimi pu. sina ken pana e nimi weka tawa ilo la, ilo li weka e nimi weka sina kin.

sina wile lukin e toki ni pi toki Inli la, o lukin e wan kama ni:
If you want to read a translation, go to the next page: