musi nasin linja

jan tu – anu jan pi mute ante – li wile e musi la, ona li ken musi e musi ni. 

pali open

o kepeken lipu pi poki mute. o tu e lipu ni sama ni: poki pi mute sama li lon poka tu ni. poka wan o tawa jan musi wan. poka ante o tawa jan musi ante.

o jo e lipu lili. lipu lili li lipu pi poki mute ala. o sitelen e sitelen pona lon lipu lili ale sama ni: o sitelen e sitelen “nasin” lon lipu lili luka luka wan, e sitelen “en” lon lipu lili luka luka wan, e sitelen “pi” lon lipu lili luka luka tu, e sitelen “li” lon lipu lili luka luka wan, e sitelen “ala” lon lipu lili luka luka wan. kin la, o sitelen e sitelen “anu” lon lipu lili luka luka tu, e sitelen “ken” lon lipu lili luka luka tu, e sitelen “jaki” lon lipu lili luka luka.

o supa e lipu lili ale. sinpin sitelen ona o tawa anpa, ona o len tan anpa ni. o nasa e ona sama ni: jan musi li sona ala e sitelen kama.

o pana e ilo sitelen tawa jan musi.

nasin musi

jan musi ale li wile e ni: ona li sitelen e linja tan open lipu tawa pini lipu lon poka lipu ona.

open

open la, jan nanpa wan o kama jo e lipu lili wan. ona o sitelen e sitelen tan lipu lili ni lon poka lipu pi jan ni. sitelen o lon poki wan taso. sitelen o lon open lipu. jan ni li ken ante e nasin sitelen e poka sitelen sewi e poka sitelen anpa lon tenpo ni taso.
jan ni li pini e ni la, jan nanpa tu li pali e sama lon poka ona.

pali musi

ni la, tenpo pi jan nanpa wan li kama sin. jan li kama jo e lipu lili sin, li ken sitelen e sitelen pi lipu lili lon poka ona. sitelen sin ni o lon poka taso pi sitelen ante. sitelen sin en sitelen poka la, linja o awen wan, o pakala ala. taso jan li wile ala kepeken sitelen sin ni la, ona li ken pana e lipu lili ni tawa supa kepeken len ala. jan musi li wile ala e lipu lili len la, jan musi ale li ken kepeken lipu tan supa lon tenpo ona.

ni la, tenpo pi jan nanpa wan li pini. tenpo pi jan nanpa tu li kama. jan nanpa tu li pali sama. tenpo pi jan ni li pini la, tenpo pi jan nanpa wan li kama sin.
jan musi li kepeken lipu lili ale la, ona o len sin e lipu lili ale, ona o nasa sin e lipu lili ale.

jaki

sitelen “jaki” li lon lipu lili la, jan musi o sitelen e ni lon poka ona ala. ona o sitelen e ni lon poka pi jan musi ante. sitelen “jaki” o lon poka pi sitelen ante. ni li pakala e linja pi jan musi ante. linja li ken awen wan lon poka pi sitelen ante la, jan musi pi linja pakala li ken sin e linja lon poka sitelen ni lon tenpo ona. ante la, jan musi pi linja pakala li ken sin e linja lon open lipu lon tenpo ona.

pini

jan musi wan li pini e linja wan ona lon pini lipu la, jan ni li jan musi suli nanpa wan.

nasin ante

lawa ante en nasin ante li ken. ken la, sina wile namako e musi ni kepeken sitelen pona ni: “ni” en “taso” en “linja” en “alasa” en “awen” en “lon” en “ante” en “supa” en “esun” en “kala” en “pona” anu “ike” en “jan” en “mani” en “la” en “lete” en “wawa” en “mani” en “tan” en “wile” en “utala” en sitelen ante. ken la, jan tu li kepeken poka sama la, ona li wile pakala e linja pi jan ante kepeken linja ona. ken la, jan tu li kepeken poka sama la, ona li wile wan e linja tu pi jan tu tan open lipu tu lon insa lipu. ale li ken. o pilin pona tan musi.

ni li nasin ken pi jan musi wan: 

open

pini

tan

musi ni li sama musi pi jan ante. jan ni li pana e lipu lawa tawa kulupu lawa la sina ken alasa e lipu kepeken nanpa US471666.